Допинг үшін шеттетілген қазақстандық боксшы Өзбекстан өкілін нокаутпен жеңді (ВИДЕО)
Тараздағы кәсіби бокс кешінде Серік Абзал өзінің алғашқы кәсіби жекпе-жегін өткізіп, қарсыласын нокаутпен жеңіп шықты.
Рингтегі дебют — бір раундқа да жетпеді
Қазақстанның үш дүркін чемпионы және жастар арасындағы Азия біріншілігінің күміс жүлдегері Серік Абзал алғашқы кәсіби айқасын алғашқы жартылай жеңіл салмақта (63,5 кг дейін) өткізді. Қарсыласы өзбекстандық Данил Ким (0-1) болды.
Жекпе-жек төрт раундқа жоспарланғанымен бірінші раундта-ақ Серіктің басымдығы айқын байқалып, рефери жекпе-жекті мерзімінен бұрын тоқтатуға мәжбүр болды. Кездесу нәтижесі – техникалық нокаут.
Допинг дауы артта қалды ма?
Айта кету керек, 2023 жылы Серік Абзал тыйым салынған метастерон препараты үшін үш жылға спорттан шеттетілген болатын. Алайда бұл дисквалификация тек әуесқой боксқа қатысты, ал кәсіби боксқа тыйым салынбайды. Сол себепті Серік кәсіби рингте өз жолын қайта бастады.