Абылайхан Жүсіпов өзбекстандық Олимпиада чемпионын жерге қаратты (ВИДЕО)
Қазақ боксшысы Абылайхан Жүсіпов Eindhoven Box Cup халықаралық турнирінде алтын медаль жеңіп алды.
Олимпиада чемпионымен жекпе-жек
70 келі салмақ дәрежесінде өткен шешуші айқаста Абылайхан Өзбекстан құрамасының басты жұлдызы — 2024 жылғы Олимпиада чемпионы және 2023 жылғы әлем чемпионы Асадхуджа Муйдинхуджаевпен рингке шықты.
Жекпе-жек тартысты басталғанымен екінші раундта Жүсіповтің қасы жарылып, кездесу тоқтатылды. Дегенмен төрешілердің бірауыздан шығарған шешімімен жеңіс қазақстандық спортшының еншісіне бұйырды.
Осылайша Абылайхан Жүсіпов Eindhoven Box Cup турнирінің алтын жүлдесіне ие болды. Ал қарсыласы Асадхуджа Муйдинхуджаев — күміс медальмен шектелді.
Жүсіповтің жетістіктері
Абылайхан Жүсіпов — әлем чемпионаттарының үш дүркін қола жүлдегері, сондай-ақ Азия чемпионатының күміс жүлдегері. Бұл жолғы жеңіс оның халықаралық ареналардағы тәжірибесі мен шеберлігін тағы бір мәрте дәлелдеді.