Бақыт Сәрсекбаев Түркістанда болашақ чемпиондарды "отпен шыңдап" жатыр (ВИДЕО)
Қазақстанның 22 жасқа дейінгі боксшыларынан құралған жастар құрамасы Түркістандағы таулы аймақта орналасқан спорттық базада оқу-жаттығу жиынын өткізіп жатыр. Команданы 2008 жылғы Олимпиада чемпионы Бақыт Сәрсекбаев баптауда.
Жоғары биіктіктегі төзімділік сынағы
Жаттығу жиыны биік таулы аймақта орналасқан спорт кешенінде өтіп жатыр. Бұл — спортшылардың физикалық төзімділігі мен функционалдық дайындығын арттыруға арналған арнайы бағдарлама.
Жарияланған видеода боксшылардың қарқынды жаттығулар жасап жатқанын көруге болады. Әрбір жаттығу арасында Бақыт Сәрсекбаев жекелеген техника элементтері бойынша шеберлік сабағын өткізеді.
Азия чемпионаты – басты көрсеткіш
Еске салайық, 2025 жылы Шри-Ланканың Коломбо қаласында өткен жастар арасындағы Азия чемпионатында Бақыт Сәрсекбаев шәкірттері 22 алтын медаль иеленіп, Қазақстан құрамасы жалпыкомандалық есепте көш бастаған болатын.