Жәнібек Әлімханұлы "тақтан" құлады
Кәсіби бокста жеңіліссіз келе жатқан қазақстандық чемпион Жәнібек Әлімханұлы BoxRec рейтингінің жаңартылған нұсқасында көшбасшылықтан айырылды.
BoxRec жаңартылған рейтингінде орта салмақтағы үздік боксшылар тізімінде қазақстандық чемпион Жәнібек Әлімханұлы көшбасшылық орнын кубалық ардагер Эрисланди Лараға босаттты.
Көшбасшылық Лараға бұйырды
Кәсіби мансабында жеңіліс көрмеген (17-0, 12 KO) Жәнібек Әлімханұлы бұрын BoxRec рейтингінде сенімді түрде бірінші орында тұрған. Алайда соңғы жаңартуда кубалық Эрисланди Лара (31-3-3, 19 KO) рейтингтің басына көтерілді. Жасы үлкен және мансабында даулы нәтижелері бар Лараның мұндай биікке шығуы — таңқаларлық жайт.
Орта салмақтағы үздік төрттік:
- Эрисланди Лара (WBA чемпионы)
- Жәнібек Әлімханұлы (WBO және IBF чемпионы)
- Крис Юбэнк-кіші (Ұлыбритания, 35-3, 25 KO)
- Карлос Адамес (Доминикан Республикасы, WBC чемпионы)
Атап өтсек, болашақта Карлос Адамеспен өтуі мүмкін жекпе-жек бұл дивизиондағы интриганы одан әрі күшейтеді.
BoxRec рейтинг жүйесі тек жеңіс пен жеңілісті емес, қарсыластардың деңгейін, жекпе-жек жиілігін және стильдік артықшылықтарды да есепке алады. Жәнібек соңғы рет 2025 жылдың сәуірінде франциялық қарсыласын нокаутқа жіберіп, белбеулерін сәтті қорғаған еді. Бірақ бұл жеңіс оның №1 орнын сақтап қалуына жеткіліксіз болған сыңайлы.