Қазақстан дзюдошылары әлем чемпионатын сәтсіз аяқтады

Венгрия астанасы Будапештте өткен дзюдодан әлем чемпионатында Қазақстан құрамасы күткендей нәтиже көрсете алмады. Жарысқа қатысқан спортшыларымыз бұл сында бар болғаны бір ғана медальмен шектелді.

Аралас командалық сын

Чемпионаттың соңғы күні аралас құрамалар арасындағы командалық жарыспен түйінделді. Қазақстан құрамасы бұл кезеңде Бразилиямен жолықты, алайда қарсыластарына 0:4 есебімен жол берді. Жекпе-жектерде қарсыластар толық басымдық танытты.

Жалғыз медаль

Жарыстың алғашқы күні 48 келіге дейінгі салмақта белдескен Абиба Әбужақынова финалға дейін жетіп, күміс жүлдегер атанды. Бұл — Қазақстанның осы әлем чемпионатында алған жалғыз медалі болды.