Ризабек Айтмұхан жарыстан шет қалды – Жанкүйерлер күткен айқас неге өтпейді?
Қазақстандық еркін күрес шебері Ризабек Айтмұхан маусымдағы ең маңызды халықаралық бәсекелердің бірі — "Имре Поляк пен Янош Варга мемориалына" (17–20 шілде, Будапешт, Венгрия) қатыспайды.
Жанкүйерлер күткен жекпе-жек өтпейді
Бұл турнирде жанкүйерлер асыға күткен Айтмұхан мен Ахмед Тажудинов арасындағы кездесу болмайды. Себебі Бахрейн намысын қорғайтын экс-ресейлік балуан 97 келі салмақта жарысқа тіркелгенімен Айтмұхан бұл салмақта тіркелген балуандар қатарында жоқ.
Еске сала кетейік, 29 наурызда Ризабек Айтмұхан Азия чемпионатының финалында ауыр жеңіліс тапқан болатын.
Ризабек Айтмұхан туралы не білеміз?
- Туған күні: 2004 жылдың 29 сәуірі
- Туған жері: Қишкенекөл ауылы, Солтүстік Қазақстан облысы
- Қазіргі командасы: Астана
- Жеке бапкері: Қанат Жолдасбай (әкесі)
Негізгі жетістіктері:
- Азия чемпионатының қола жүлдегері (2019, 75 кг, 15 жасқа дейін)
- U23 Азия чемпионы – екі мәрте (2022, 2023, 92 кг)
- Дінмұхамед Қонаев атындағы халықаралық турнирдің күміс жүлдегері (2022, 92 кг)
- Азия чемпионатының күміс жүлдегері – үш рет (2023, 92 кг; 2024, 97 кг; 2025, 97 кг)
- 20 жасқа дейінгі әлем чемпионатының күміс жүлдегері (2023, 92 кг)
- Қазақстан тарихындағы алғашқы еркін күрестен әлем чемпионы (2023, 92 кг)
- 20 жасқа дейінгі әлем чемпионы (2024, 97 кг)
- 23 жасқа дейінгі әлем чемпионы (2024, 97 кг)
- Д. Қонаев турнирінің қола жүлдегері (2024, 97 кг)
Спорттық дәрежесі: Қазақстан Республикасының спорт шебері, халықаралық дәрежедегі спорт шебері
Әлемдік рейтингтегі орны: 21-орын (11 000 ұпай)
Қызықты дерек:
Айтмұхан кәсіби спортшы бола тұра, 2019 жылы Астанада өткен әлем чемпионатында (14–22 қыркүйек, "Барыс Арена") қарапайым волонтер ретінде жұмыс істеген.