Нұрбек Оралбай Әлем кубогы қарсаңында батыл мәлімдеме жасады
Қазақ боксшылары өз парақшаларында дайындық сәтін бөлісіп, жүлде үшін барын салуға әзір екенін жеткізді.
Қазақстан ұлттық құрамасының мүшелері, ағайынды Нұрбек және Айбек Оралбайлар алдағы бокстан әлем кубогы алдында өз жанкүйерлерін қуантатын мәлімдеме жасады. Олар Instagram желісіндегі ресми парақшаларында жаттығу кезінен сурет жариялап:
«Біз әлем кубогына сақадай сай дайынбыз», – деп жазды.
Бұл мәлімдеме әлеуметтік желі қолданушылары арасында жылы қабылданып, спортсүйер қауымның сенімін нығайтты.
Әлем кубогы қашан және қайда өтеді?
World Boxing ұйымының ұйымдастыруымен бокстан әлем кубогы 30 маусым мен 6 шілде аралығында Астана қаласында өтеді. Бұл — Қазақстан үшін аса маңызды халықаралық дода болмақ.
Нұрбек пен Айбектен үміт зор
Ағайынды Оралбайлар — Қазақстан боксының жарқын өкілдері. Бұған дейін олар түрлі халықаралық турнирлерде ел намысын абыроймен қорғап, жүлделі орындардан көрінген. Бұл жолы да отандық жанкүйерлер Нұрбек пен Айбектен медаль күтеді.