Шаптан соқты! — Емельяненконың шәкірті қарсыласын рингтен зембілмен шығарды (ВИДЕО)
PFL жартылай финалында Валентин Молдавский Александр Романовты шаптан ұрып, жекпе-жек тоқтатылды. Қарсыласқа зембіл қажет болды.
Чикагодағы даулы жекпе-жек
АҚШ-тың Иллинойс штатындағы Чикагода өткен PFL турнирінде ауыр салмақтағы жартылай финалдық жекпе-жек күтпеген жағдаймен аяқталды. Ресейлік ММА жекпе-жек шебері әрі Федор Емельяненконың шәкірті Валентин Молдавский молдовалық Александр Романовқа қарсы айқаста тыйым салынған соққы жасап, турнирден шеттетілді.
Алғашқы раундта Романов партерде басымдық танытты. Ал Молдавский қарсы шабуылдарын тік тұрып орындады. Алайда клинч кезінде ресейлік спортшы тізесімен Романовты шаптан ұрып, қарсыласты жарақаттады. Молдовалық файтер кілемге құлап, тұрмақ түгілі, жекпе-жекті жалғастыра алмады. Жедел жәрдем мамандары оны зембілмен алып кетті.
Жекпе-жек ресми түрде өтпеген деп танылды. Дегенмен ұйымдастырушылар Романовты Гран-при финалисі ретінде жариялады.
Финалдағы қарсыласы мен жүлде
Енді Романов жүлде қоры 500 мың доллар болатын финалда ресейлік Олег Поповпен кездеседі. Попов өз кезегінде жартылай финалда бразилиялық Родриго Насиментодан бір ауыздан төрешілер шешімімен (30:27, 30:27, 30:27) басым түскен.