Астанадағы әлем кубогының финалында 12 қазақстандық жұдырықтасады

Күндізгі сессия (14:00)

Алғашқы финалдық кездесулер күндізгі уақытта басталады. Рингке шығатын қазақстандықтар мен олардың қарсыластары:

• Назым Қызайбай (48 кг) — Минакши Минакши (Үндістан),
• Махмұт Сабырхан (55 кг) — Руи Ямагучи (Жапония),
• Нұрбек Оралбай (80 кг) — Ёжерлин Сесар (Франция),
• Бекзат Нұрдәулетов (85 кг) — Джугну Джугну (Үндістан),
• Виктория Графеева (60 кг) — Ребека Де Лима Сантос (Бразилия),
• Наталья Богданова (70 кг) — Лекайша Перголити (Аустралия),
• Санжар Тәшкенбай (50 кг) — Джей Брайан Барикуатро (Филиппин).

Кешкі сессия (19:00)

Кешкі уақытта өтетін екінші бөлімде келесі боксшылар "алтын" үшін жұдырықтасады:

• Алуа Балқыбекова (50 кг) — Пихла Кайво Оджа (Финляндия),
• Надежда Рябец (75 кг) — Суннива Хофстад (Норвегия),
• Елдана Тәліпова (80+ кг) — Нупур (Үндістан),
• Сабыржан Ақхалықов (75 кг) — Рами Киюан (Болгария),
• Айбек Оралбай (90+ кг) — Никита Путилов (Германия).

Финалдық жекпе-жектерге Қазақстан Республикасының Президенті Қасым-Жомарт Тоқаевтың қатысуы күтілуде.

Әлем кубогы — жаңа жүйедегі халықаралық турнир

30 маусымда басталған бұл дода World Boxing ұйымының аясында өткізіліп жатыр. Бұл ұйым — әлемнің жетекші бокс державалары бірігіп құрған тәуелсіз құрылым. Астанадағы кезең — жаңадан құрылған әлем кубогының бір бөлігі.

Жаңа формат

• Турнир бірнеше мемлекетте өтетін кезеңдерден тұрады;
• Әр кезеңде спортшылар рейтингтік ұпай жинайды;
• Ұпайлар суперфиналға жолдама алу үшін шешуші рөл атқарады;
• Суперфинал 2025 жылдың күзіне қарай Үндістанда өтеді.