Асу Алмабаевтың алдағы айқасына қатысты шешім шығарылды (ВИДЕО)
Алмабаев бастапқы қарсыласы шеттетілген соң, енді Перудың нокаутер файтерімен айқасатын болды. 26 шілдеде Абу-Дабиде өтеді.
Қазақстандық файтер Асу Алмабаев 26 шілдеде өтетін UFC on ABC 9 турнирінде Перу өкілімен кездеседі. Күрделі ауысымнан кейін оның қарсыласы Хосе Очоа болып бекітілді.
Рамазан Темиров допинг-тесттен өте алмады
Асу Алмабаев (21-3) бастапқыда өзбекстандық Рамазан Темировпен айқасуы керек еді. Алайда Темиров инфекциядан емделу барысында қолданған препараттар үшін допинг-тесттен өте алмай, жарыстан шеттетілді. Осылайша Перу спортшысы Хосе Очоа (8-1) үш апта қалғанда жекпе-жекке келісім беріп, күтпеген қарсыласқа айналды.
Сарапшылар кімге сеніп отыр?
Америкалық Vegasodds.com порталы Асу Алмабаевтың жеңіске жететініне сенім білдіруде. Сарапшылардың айтуынша, Очоа — қауіпті нокаутер, алайда толыққанды дайындық лагерінен өткен Асу тактикалық және физикалық жағынан басымдыққа ие.
“Біз көбіне фавориттерге сенеміз, бірақ бұл жолы ерекшелік бар. Асу Алмабаев – андердог болса да, оның шынайы дайындық деңгейі жоғары. Очоа жекпе-жекке қысқа уақыт ішінде келісім берді. Алмабаев оны октагонда басып озуы ықтимал”, — деп жазады Vegasodds.com.