Қазақстан бокс федерациясы ерлер мен әйелдер арасында Қазақстан чемпионатының қай қалада және қай уақытта өтетінін ресми түрде жариялады.
Ұлттық біріншілік 12–19 қазан аралығында Семейде ұйымдастырылады. Бұл дода Ливерпульде өтетін әлем чемпионаты аяқталғаннан кейін бір айға жетпейтін уақытта басталмақ.
Аталған турнирде 2026 жылға арналған Қазақстан құрамасы жасақталады. Тек әлем чемпионатында сәтті өнер көрсеткен боксшылар бұл іріктеуден босатылады.
Еске сала кетсек, Қазақстан чемпионатының алдыңғы маусымы 2024 жылдың желтоқсан айында Қарағандыда өткен.