Мексикалық бокстың аңыз тұлғасы Хулио Сезар Чавестің ұлы, бұрынғы әлем чемпионы кіші Хулио Сезар Чавес АҚШ-та ұсталып, Мексикаға депортацияланды.
Чавес шілде айында АҚШ-та қамауға алынған. Оның тұтқындалуы әкесінің даңқын жалғастырушы боксшының Джейк Полға қарсы жекпе-жектен кейін бірден болған. Сол жекпе-жекте шоумен-боксшыға ұпай санымен жеңіліп қалған еді.
Чавеске Мексикада бұрыннан қылмыстық айып тағылған. Оған ұйымдасқан қылмысқа қатысы бар деген күдікпен іздеу жарияланып, 2023 жылы-ақ қару-жарақ, оқ-дәрі және жарылғыш заттарды заңсыз саудалауға қатысы бар деген айыппен ордер берілген.
АҚШ-та ол бір жарым ай қамауда болып, кейін отанына депортацияланған. MMA Fighting дерегінше, Чавес Мексика шекарасынан өткен бойда бірден қайта ұсталған. Қазір ол Сонорадағы түрмеде жазасын өтеп жатыр.
