Қазақстандық аралас жекпе-жек (ММА) шебері Әліби Ыдырыс UFC-мен келісімшартқа отырды.
Әліби Ыдырыс әйгілі The Ultimate Fighter (TUF) реалити-шоуының финалисі атанып, тарихта алғаш рет осы жобаның қатысушысы ретінде UFC-ге жолдама алған қазақстандық файтер болды.
Ол төрт жекпе-жекке арналған келісімшартқа қол қойды. Бұл жаңалықты спортшының өзі Instagram желісінде растады.
17 тамызда АҚШ-тың Чикаго қаласында өткен UFC 319 турнирінде Әліби Ыдырыс (10–1) алғаш рет карьерасында жеңіліске ұшырады. Ол финалда америкалық Джозеф Моралеске (14–2) қарсы екінші раундта ауырту әдісіне түсіп, берілуді жөн көрді.
Әлібидің жаттықтырушысы Айбек Шокпутов та бұл жаңалықты Instagram парақшасында растап, шәкіртінің UFC-дегі жаңа кезеңіне сәттілік тіледі.
