Хабиб Нурмагомедов Шавкат Рахмоновқа қатысты пікір білдірді

UFC тарихындағы аңыз спортшы, ресейлік Хабиб Нурмагомедов Шавкат Рахмонов туралы тосын пікір білдіріп, өзінің досы әрі жерлесі Ислам Махачевке UFC 322 турнирі аясында жартылай орта салмақтағы ең қауіпті қарсыластарды атады. 

15 қараша күні Нью-Йоркте өтетін UFC 322 турнирінде Ислам Махачев Джек Делла Маддаленаға қарсы чемпиондық белдік үшін айқасады.

Хабибтің Шавкат Рахмоновқа берген бағасы

Хабиб Нурмагомедовтің айтуынша, жартылай орта салмақтағы ең құрметке лайық әрі қауіпті қарсыластардың бірі – қазақстандық Шавкат Рахмонов.

«Мен 77 келіде Шавкат Рахмоновты қарсылас ретінде ерекше бағалаймын. Ол құрмет пен сақтықты талап етеді. Сондай-ақ Белал Мухаммад бар. Ал Иэн Гэрриді қауіпті қарсылас деп есептемеймін. Белалмен жекпе-жекке келсек, мен бұл кездесуге қарсы болдым. Ал Шавкат Рахмонов UFC-дегі айқастары арқылы бұл салмақта нағыз қауіпті жауынгер екенін дәлелдеді», – деді Хабиб Камил Гаджиевке берген сұхбатында.

Сонымен қатар ол Шон Брэди жайлы пікір білдіріп, оның стилі Ислам Махачевке ыңғайлы екенін айтты.

Негізгі қарсыластар

Хабибтің сөзінше, қазіргі таңда Ислам Махачевтің UFC-дегі басты қарсыластары:

• Қазақстандық Шавкат Рахмонов,
• Белал Мухаммад,
• Джек Делла Маддалена.

Жекпе-жектер статистикасы

• Ислам Махачев ММА-де 28 кездесу өткізіп, оның 27-сінде жеңіске жеткен.
• Джек Делла Маддалена 20 жекпе-жектің 18-інде жеңген.