Ертуған Зейнулинов Ливерпульде өтіп жатқан World Boxing ұйымының тұңғыш әлем чемпионатында алғашқы жекпе-жегін өткізді.
65 келіге дейінгі салмақ дәрежесінде Зейнуллинов Франция өкілі Юго Гроға қарсы шығып, төрешілердің бірауызды шешімімен жеңіске жетті. Осы нәтижеден кейін ол 1/8 финалға жолдама алды, ал қарсыласы турнирді мерзімінен бұрын аяқтады.
Айта кетейік, Ертуған Зейнулинов — Қазақстанның 2024 жылғы чемпионы. Ол ұлттық біріншілікте жеңіске жеткеннен кейін боксқа дайындықпен қатар курьер болып жұмыс істегенін ашық айтқан еді. Жас спортшының табандылығы мен еңбекқорлығы оның қазіргі табысына жол ашты.