ӘЧ-2025: Гүлсая Ержан ширек финалға шықты (ВИДЕО)
Айқас 3:2 есебімен отандасымыздың пайдасына шешілді.
Қазақстандық боксшы Гүлсая Ержан Англияның Ливерпуль қаласында өтіп жатқан World Boxing 2025 әлем чемпионатында алғашқы жекпе-жегін жеңіспен аяқтады.
80 келі салмақ дәрежесінде өнер көрсеткен Гүлсая Ержан 1/8 финалда Литва өкілі Ивета Лесинскитсемен қолғап түйістірді. Тартысты өткен айқаста төрешілер шешімі қазақстандық боксшының пайдасына шығып, ол келесі кезеңге өтті.
Бұл жеңіс Ержанды турнирдің ширек финалына шығарды. Енді ол медальға бар болғаны бір қадам жақындады.
Айта кетейік
Гүлсая Ержан – 2024 жылғы Азия чемпионы. Таиландтың Чиангмай қаласында өткен құрлықтық додада ол алтын жүлде иеленді. Бұл оның халықаралық аренадағы беделін арттырып, биылғы әлем чемпионатына фавориттердің бірі ретінде келуіне мүмкіндік берді.