Әлем чемпионатындағы алғашқы медаль үшін айқас: Қазақстан боксшылары Ливерпуль рингінде
9 қыркүйек күні Ливерпульде өтіп жатқан 2025 жылғы бокстан әлем чемпионатында Қазақстан құрамасының тоғыз бірдей өкілі шаршы алаңға шығады. Күннің басты интригаларының бірі – Наталья Богданованың 1/4 финалдағы айқасы, онда ол Қазақстанға алғашқы медальді сыйлауы мүмкін.
Чемпионаттың алтыншы жарыс күнінде Қазақстан спортшылары бірден екі сессияда бақ сынайды.
Әйелдер арасында: Назым Қызайбай (48 кг), Алуа Балқыбекова (51 кг), Виктория Графеева (60 кг), Наталья Богданова (70 кг).
Ерлер арасында: Махмуд Сабырхан (50 кг), Санжар Ташкенбай (50 кг), Нурбек Оралбай (80 кг), Бекзат Нұрдәулетов (85 кг), Ертуған Зейнулинов (85 кг).
Күндізгі сессия (Астана уақытымен 16:00)
- Әйелдер, 51 кг, 1/8 финал: Алуа Балқыбекова — Гаюн Мун (Оңт. Корея)
- Әйелдер, 60 кг, 1/8 финал: Виктория Графеева — Люси Кингс-Уитли (Англия)
- Ерлер, 50 кг, 1/8 финал: Махмуд Сабырхан — Башким Бажоку (Косово)
- Ерлер, 80 кг, 1/8 финал: Нұрбек Оралбай — Тоқтарбек Таңатхан (Қытай)
Кешкі сессия (Астана уақытымен 22:00)
- Әйелдер, 48 кг, 1/8 финал: Назым Қызайбай — Лила Зелецкий (Венгрия)
- Ерлер, 50 кг, 1/8 финал: Санжар Тәшкенбай — Хутхайха Эшиш (Иордания)
- Ерлер, 85 кг, 1/8 финал: Бекзат Нұрдәулетов — Георгий Кушиташвили (Грузия)
- Әйелдер, 70 кг, 1/4 финал: Наталья Богданова — Сема Чалышкан (Түркия)
- Ерлер, 85 кг, 1/8 финал: Ертуған Зейнуллинов — Патрис Мугалзай (Англия)
Наталья Богданова 70 келіге дейінгі салмақ дәрежесінде Түркия боксшысы Сема Чалышканмен кездеседі. Бұл жекпе-жектің жеңімпазы жартылай финалға жолдама алып, кем дегенде қола медальді еншілейді. Осылайша, дәл бүгін Қазақстан құрамасы өз активіндегі алғашқы медальға қол жеткізуі ықтимал.