Әлем чемпионатында қазақ балуаны қола жүлде иемденді
Хорватия астанасы Загребтегі еркін күрестен әлем чемпионатында Қазақстан құрамасының балуаны Асылжан Есенгелді тарихи сәтке куә болды.
Загребтегі драма
61 келіге дейінгі салмақта өнер көрсеткен Есенгелді қола медаль үшін 18 жастағы америкалық Джаксен Форестпен белдесті.
23 жастағы Асылжан шешуші белдесуде тамаша өнер көрсетіп, соңғы үш секундқа дейін 9:8 есебімен алда келе жатты. Алайда күтпеген жерден оған ескерту беріліп, есеп теңесті. Осы сәт айқастың драмасын күшейтті.
Бірақ қазақстандық бапкерлер штабы шұғыл түрде «челлендж» сұрап, төрешілер шешімін қайта қарауды талап етті. Видео-қайта қараудан кейін әділдік орнап, төрешілер біздің спортшының пайдасына шешім шығарды.
Қола медаль — Қазақстан қоржынына!
Нәтижесінде Асылжан Есенгелді қарсыласын жеңіп, әлем чемпионатының қола жүлдегері атанды. Бұл жетістік оның спорттық мансабындағы ірі табыстардың бірі болды.