Загребтегі күрес бойынша әлем чемпионатында қазақстандық балуан Мерей Мәулетқанов шешуші белдесуге шыға алмады.
72 келіге дейінгі салмақ дәрежесінде грек-рим күресінен сынға түскен Мәулетқанов жартылай финалда 2023 жылғы әлем чемпионы әрі 2025 жылғы Еуропа чемпионы, француз балуаны Ибрагим Ганемен кездесті.
Белдесу күтпеген жерден ерте аяқталды. Франция өкілі айқын басымдықпен жеңіске жетіп, финалға өтті.
Финалға жол ашпағанымен Мерей осы турнирде сенсация жасағанын айта кеткен жөн. Ол бұрынғы әлем чемпионы, белгілі түрік балуаны Али Фейзоллу Арсаланнан басым түсті.