2024 жылғы Қазақстан чемпионы, талантты боксшы Ертуған Зейнуллинов Семейде өтіп жатқан 2025 жылғы ел чемпионатында сенімді жеңіспен бастады.
Алматы облысының атынан сынға түскен Зейнуллинов 65 келіге дейінгі салмақ дәрежесінде Астана өкілі Азамат Нүркенмен жұдырықтасты.
Барлық раундта айқын басымдық танытқан Ертуған қарсыласын еш мүмкіндіксіз қалдырды. Төрешілердің бірауызды шешімімен (5:0) жеңіске жеткен ол жарыстың келесі кезеңіне өтті. Енді ширекфиналда Бағлан Тұрсынбай (Қызылорда) - Ерасыл Қалдарбек (Қостанай) арасындағы жеңімпазбен кездеседі.
Ертуған Зейнуллинов — былтырғы Қазақстан чемпионы (2024). Биыл ол өз атағын қорғап, ел құрамасына қайта ілігу және халықаралық деңгейде ел намысын қорғау міндетін көздеп отыр.