Семейде бокстан Қазақстан чемпионаты жалғасып жатыр.
75 келіге дейінгі салмақ дәрежесінде басты фавориттердің бірі саналатын Аман Қонысбеков пен Еркебұлан Шәйкен арасындағы жекпе-жек жанкүйерлердің назарын аударды.
Қонысбеков бұл кездесуде өзінің шеберлігін толық көрсетті. Оның дәл соққылары нысанаға дөп тиіп отырды, ал қарсыласы қарымта шабуылдарға тырысқанымен соққы қарқыны мен басымдығы Қонысбековтің жағында болды.
Кездесу соңында төрешілер бірауыздан жеңісті Аман Қонысбековке берді. Бұл оның мансабындағы ең әсерлі жеңістердің бірі болды.
Айта кетейік, Аман Қонысбеков бұған дейін Өзбекстан құрамасы сапында өнер көрсеткен. Кейіннен Қазақстан атынан шығуға шешім қабылдап, ұлттық біріншіліктерде өз әлеуетін дәлелдеп жүр.