12:8! Қазақ қызы финалда түрік балуанын талқандады

Алтын үшін айқас

55 келіге дейінгі салмақ дәрежесінде белдескен Шұғыла Өмірбек финалда түркиялық Туба Демирді 12:8 есебімен жеңіп, жоғары шеберлігін және тактикалық дайындық деңгейін көрсетті.

Бұл кездесу жарыстың ең тартысты финалдарының бірі атанды. Өмірбек шешуші сәттерде батыл шабуылдармен қарсыласын қыспаққа алды және басымдығын сақтап қалды.

Чемпиондық жол

Түркістан облысының намысын қорғаған балуан финалға дейінгі барлық қарсыласын сенімді түрде жеңді:

• 1/4 финалда — румыниялық Александра Войчилеску (3:1);
• Жартылай финалда — германиялық Амори Андрих (2:0);
• Ал алғашқы айналымда молдовалық Михаэла Симонды 10:2 есебімен ұтты.

Осы жеңісімен Шұғыла Өмірбек Қазақстан құрамасына әлем чемпионаты-2025-тегі алғашқы “алтынды” алып берді.