WBA, WBO, IBF: Үш белбеу үшін соғыс! Жәнібек Әлімханұлының түнін кімдер қыздырады?
Қазақстандық чемпион Жәнібек Әлімханұлы кубалық боксшы Эрисланди Ларамен орта салмақтағы WBA, IBF және WBO белбеулері үшін жұдырықтасатын бокс кешінің толық картасы жарияланды.
Кеш қашан және қайда өтеді?
Тартысты шоу 6 желтоқсан күні АҚШ-тың Сан-Антонио қаласындағы “Frost Bank Center” аренасында өтеді. Іс-шараның промоутері — әйгілі Premier Boxing Champions (Эл Хэймон) ұйымы.
Басты жекпе-жекте мексикалық Исаак Крус пен америкалық Ламонт Роуч WBC уақытша чемпионы атағы үшін айқасады. Ал кештің ко-мэйн ивенті: Жәнібек Әлімханұлы мен Эрисланди Лара арасындағы біріктірілген чемпиондық жекпе-жек.
Бокс кешінің толық картасы
- Стивен Фултон (WBC чемпионы, жартылай жеңіл салмақ) келесі дивизионға көтеріліп, О’Шаки Фостердің белбеуіне таласады.
- Хесус Рамос пен Шейн Мосли-кіші орта салмақтағы WBC уақытша чемпиондық атағы үшін күш сынасады. Бұл жекпе-жекте Әлімханұлының болашақ қарсыласы анықталуы әбден мүмкін.
- Фрэнк Мартин мен Рансес Бартелеми супержеңіл салмақта рингке шығады.
- Исаак Лусеро мен Роберто Валенсуэла-кіші бірінші орта салмақта жұдырықтасады.
32 жастағы Жәнібек Әлімханұлы биылғы сәуір айында Астанада өткен жекпе-жекте Ануэль Нгамиссенгені (14-1, 9 KO) нокаутқа түсіріп, өз белбеулерін сенімді қорғаған. Қазақ боксшысы IBF чемпионы атағын екі жыл бұрын, ал WBO белбеуін одан бір жыл бұрын иеленген.