Азиада-2025: Қазақстан бокстан Өзбекстанды артта қалдырды

Бахрейндегі финал бес алтынмен аяқталды

Қазақ боксшылары мен боксшы қыздары Азия құрлығының үздіктерімен күш сынасып, бес салмақ дәрежесінде чемпион атанды. Ерлер арасында жеңіс иелері:

• Жұмағали Нұрмахан — 50 кг дейін,
• Досжан Жұмахан — 54 кг дейін,
• Даниал Шалқарбай — 66 кг дейін.

Қыздар арасында чемпион атанғандар:

• Аяулым Оспанова — 66 кг дейін,
• Камила Оспанова — 75 кг дейін.

Қазақстан мен Өзбекстан тең түсті, бірақ... 

Жалпы медаль кестесінде Қазақстан мен Өзбекстан бірдей нәтиже көрсетті — бес алтын, үш күміс және екі қола.

Алайда қосымша көрсеткіштер бойынша, атап айтқанда төрт ширек финалға шыққан спортшылар саны бойынша Қазақстан құрамасы көш бастады.

Осылайша Азия ойындары-2025 бокстан жалпыкомандалық есепте бірінші орынды Қазақстан иеленді.