Қазақстандық UFC жұлдызы Шавкат Рахмонов 22 қараша күні Дохада (Катар) өтетін UFC Fight Night турнирінде отандасы Асу Алмабаевты қолдау үшін оның бұрышында болады.
Бұл — UFC тарихында алғаш рет Қатар аумағында өтетін ресми турнир. Қазақ жанкүйерлері үшін бір октагонда екі отандасымыздың болуы үлкен оқиға.
Асу Алмабаев бұл кеште ең жеңіл салмақта АҚШ-тың тәжірибелі спортшысы, бұрынғы титулға негізгі үміткер Алекс Переспен кездеседі.
Перес UFC рейтингінде 7-орында, ал Алмабаев — 8-орында тұр. Айқас дивизиондағы маңызды жекпе-жектердің бірі болмақ.
Асу өзінің соңғы жекпе-жегін 27 шілдеде Абу-Дабиде өткен UFC on ABC 9 турнирінде өткізген. Онда ол перулық Хосе Очоаны қазылардың бірауыздан шешімімен жеңіп, UFC-дегі жеңісті сериясын жалғастырған.