Қазақстан ерлер құрамасы халықаралық оқу-жаттығу жиынына қатысу үшін Өзбекстанға аттанды. Бұл туралы Абылайхан Жүсіпов өзінің Instagram парақшасында хабарлады.
2025 жылғы Қазақстан чемпионы Астананың халықаралық әуежайынан түсірілген суретті жариялап, команданың шетелдік оқу-жаттығу жиынына жолға шыққанын айтты.
Боксшының айтуынша, бұл жиын бірқатар елдің ұлттық құрамаларымен бірлесіп өтеді:
«Біз Өзбекстанға бірлескен оқу-жаттығу жиынына бара жатырмыз.
Басқа мемлекеттердің ұлттық құрамаларымен бірге жаттығу бізге жаңа тәжірибе мен жоғары деңгей береді деп сенемін.
Алдағы дайындықта бізге сәттілік тілей беріңіздер!», – деп жазды Жүсіпов.
Осыған дейін Қазақстан бокс федерациясының бас хатшысы Мерей Ақшалов Ташкенттегі халықаралық жиынға төрт ел қатысатынын мәлімдеген:
Бұл бірлескен оқу-жаттығу процесі боксшылардың біліктілігін арттырып, алдағы халықаралық жарыстарға дайындықты күшейтуді көздейді.