Қазақстандық ММА жауынгері Бекзат Алмахан UFC Fight Night 265 турнирінде грузин файтері Александр Топуриямен октагон бөлісті.
Дохада (Катар) өткен кеш бағдарламасына енген жекпе-жек үш раундқа жоспарланған еді. Бекзат Алмахан (12-2) Грузия өкілі Александр Топуриямен (6-1) күш сынасты.
Үш раундқа созылған айқас жанкүйерлер күтгендей қызу өтті. Соңында төрешілер бірауыздан жеңісті Топурияға берді.
Жекпе-жектің үшінші бөлігінде Алмахан нокдаунға түсті. Бұл эпизод қарсыластың ұпай тұрғысынан айқын басым болуына әсер етіп, шешімді жеңіске жол ашты.
Топурия үшін жекпе-жек кәсіби мансабындағы 7-ші жеңіс болды. Ол UFC-де қатарынан екі жеңіске жетіп, ұйымдағы рекордын 2-0 деңгейіне жеткізді.
Ал Бекзат Алмахан үшін бұл UFC-дегі үшінші жеңіліс. Қазақстандық файтердің промоушендегі көрсеткіші енді 1-2.