«Көк туды алып келіңдер!» Жәнібек Әлімханұлы АҚШ-тағы қазақтарға үндеу жасады
WBO және IBF тұжырымдамалары бойынша әлем чемпионы Жәнібек Әлімханұлы Сан-Антониода өтетін тарихи жекпе-жек алдында АҚШ-та тұратын қазақтарға арнайы үндеу жасады.
Боксшы инстаграм парақшасында өз жанкүйерлеріне былай деп жазды:
«Америкадағы отандастар, әсіресе Техас штатындағы ағайын!
Жекпе-жекке барарда көк Туды алып келіңіздер!
Көп екенімізді көрсетейік, Техасты дүрілдетейік!
Тарихты бірге жасайық!
Жекпе-жек 6 желтоқсанда Сан-Антониодағы Frost Bank Center аренасында өтеді».
Жәнібектің бұл үндеуі – жанкүйерлерді біріктіріп, шаршы алаңда қазақ рухын сезіндіретін сәтке дайындықтың бір бөлігі.
Жәнібек Әлімханұлы – Эрисланди Лара айқасы 6 желтоқсанда, АҚШ-тың Техас штатындағы Сан-Антонио қаласында өтеді.
Қазақстан уақытымен жекпе-жек 7 желтоқсанның таңында көрсетіледі.