Сәкен Бибосынов әлем чемпионатын ірі жеңіспен бастады (ВИДЕО)

1/16 финалда еш мүмкіндік қалдырмады

Бибосынов 54 келіге дейінгі салмақ дәрежесінде өнер көрсетіп жатыр. Ол турнирді бірден 1/16 финалдан бастады. Алғашқы жекпе-жекте Сәкеннің қарсыласы Ботсвана елінің өкілі Катлего Кеорапеце болды.

Қазақстандық боксшы барлық раундта басым болды. Жекпе-жек соңында төрешілер бірауыздан Сәкеннің жеңісін тіркеді..

Бибосыновтың жетістіктері: Олимпиада жүлдегері және әлем чемпионы

Сәкен Бибосынов – әуесқой бокстағы ең табысты қазақстандық боксшылардың бірі. Оның негізгі жетістіктері:

• Токио-2020 Олимпиадасының қола жүлдегері;
• 2021 жылғы әлем чемпионы;
• 2019 жылғы әлем чемпионатының қола жүлдегері;
• 2022 жылғы Азия чемпионатының күміс жүлдегері;
• 2021 жылғы Азия чемпионатының қола жүлдегері.

Осындай титулдар жиынтығы Сәкеннің кез келген әлемдік турнирде фаворит саналуына толық негіз береді.