Дубайдағы IBA ӘЧ-ның 71 келіге дейінгі салмақ дәрежесінің ширек финалында Абылайхан Жүсіпов әзербайжандық Серхан Әлиевпен қолғап түйістірді.
Кездесу бойы Абылайхан Жүсіпов айқастың қарқынын өзі белгілеп, қарсыласынан дәлірек әрі алуан түрлі әрекет көрсетті. Қазақстандық боксшы техника жағынан жоғары деңгей танытты. Тактикалық тұрғыда тәртіпті қимылдап, Әлиевке өз стилін таңуға мүмкіндік бермеді.
Үш раунд қорытындысында төрешілер жеңісті бірауыздан Қазақстан өкіліне берді. Осылайша Абылайхан Жүсіпов әлем чемпионатының жартылай финалына өтіп, кемінде жүлде қамтамасыз етті.