Қазақстандық UFC файтері Асу Алмабаев әлемдік рейтингте жоғары тұрған топ-файтермен жекпе-жек өткізеді.
Қазақстандық файтер Асу Алмабаев (23-3) UFC-де келесі жылдың көктемінде октагонға шығады.
«Вестник ММА» мәліметіне сенсек, Алмабаев 1 наурызда Мексиканың Мехико қаласында өтетін UFC Fight Night 269 турнирінде бақ сынайды. Оның қарсыласы мексикалық спортшы Брэндон Морено (23-9-2) болады.
Асу Алмабаев қазіргі уақытта UFC жеңіл салмақтағы рейтингінде жетінші орында, ал Брэндон Морено төртінші орында. Соңғы жекпе-жегінде Алмабаев америкалық Алекс Переске (25-10) қарсы жекпе-жекте қылқындыру әдісін сәтті қолданып, үшінші раундта жеңіске жетті, ал Морено екінші раундта жапон өкілі Тацуро Тайраны (18-1) мерзімінен бұрын жеңді.