Еркебұлан Тоқтар – Тимур Никулин: жекпе-жекті қайдан көруге болады?

Бұл кездесу Еркебұлан Тоқтар үшін ММА-дан тыс өткізетін ең даулы әрі ең ауқымды айқас болмақ. Өзбекстанда қазақстандық файтерге деген қызығушылық шарықтау шегіне жетіп, дәл осы сәтте менеджер Зия Әлиев іске кірісіп, қысқа уақыт ішінде Өзбекстан өкілімен елдің ең ірі спорттық ареналарының бірі — 12 500 көрерменге арналған Humo Arena алаңында жекпе-жек ұйымдастырды.

Никулин жайлы

Тоқтардың қарсыласы — өңірдегі ең танымал медиа-бойшылардың бірі, Өзбекстан тумасы, қазір Ресейде тұратын Тимур Никулин, лақап аты — «Архангел». Никулин кәсіби бокста да, жалаң жұдырық жекпе-жектерінде де табысты өнер көрсетіп жүр. Оның жалпы рекорды — 22 жеңіс, 6 жеңіліс және 2 тең нәтиже. Бокс ережелері бойынша ол 9 рет жеңіске жетіп, екі жекпе-жекті тең аяқтаған және тек бір рет қана жеңілген.

Соңғы бес жылда Бухара тумасы Ресейде жарқын медиа-бойшы ретінде қалыптасты. Ол Hardcore Boxing лигасының чемпионы атанып, Hype Reality шоуының алғашқы маусымында жеңіске жетті. Сондай-ақ поп-ММА өкілдері Харун Бозиевті, Ибрагим «Никархо» Исламовты, Давид Хачатрянды және Владислав «Белаз» Ковалёвті жеңген. Осы тәжірибе алдағы Ташкенттегі айқастың көрермендер үшін аса қызықты әрі принципті болуына себеп болып отыр.

Еркебұланның соңғы жекпе-жектері

Еркебұлан Тоқтар 2025 жылы OCTAGON лигасында екі жекпе-жекте де нокаутпен жеңіске жетті. Ақпан айында ол тәжікстандық Камариддин Хасановты (Камил Карате) төртінші раундта тоқтатып, ұйымның BMF белбеуін жеңіп алды. Ал тамызда қазақстандық файтер жекпе-жекті екінші раундта аяқтап, ирандық Фарзад Гадериді нокаутқа түсірді.

Ташкенттегі турнирдің кардтары

• Турнир Қазақстан және Ташкент уақыты бойынша 18:00-де басталады.
• Негізгі кард 21:00-де өтеді.
• Еркебұлан Тоқтар — Тимур Никулин жекпе-жегі шамамен 22:00-де жоспарланған.

Тікелей эфирді қайдан көруге болады?

Еркебұлан Тоқтар — Тимур Никулин жекпе-жегінің тікелей трансляциясын осы сілтеме арқылы көруге болады.

Эфир туралы толық ақпаратты біздің әлеуметтік желілерден білуге болады.