АҚШ-тың даңқты былғары қолғап шебері, бұрынғы әлем чемпионы Рой Джонс (кіші) қазақ және мексикалық бокс стилін салыстырып, өзіне қазақ мектебі жақынырақ екенін мәлімдеді.
Аңыз боксшының Sport Plus-та екі мектептің басты айырмашылығы жекпе-жек тактикасында деді.
Джонс мексикалық бағытта көбіне ашық айқас пен соққы алмасуға басымдық берілетінін атап өтті. Ал Қазақстандағы бокс мектебінде, керісінше, аяқ жұмысы (футворк), яғни дәл соққы жасап, қауіпті сәтте уақытылы сытылып шығу, қорғаныстан шабуылға ауысу мәдениеті жоғары бағаланады.
«Жеке өзіме қазақ стилі көбірек ұнайды. Мексикада бәрі разменге құрылады — сен үнемі соғып та, соққы алып та жүресің. Қазақстанда “футворкке” қатты мән береді — дәл тиіп, соққыдан қашу қабілетіне. Ал Мексикада көп жағдайда бәрі сенің қаншалықты қатал, мықты бола алатыныңа келіп тіреледі», — деді Рой Джонс.
Айта кетейік, Рой Джонстың мансабында да рингтегі негізгі қарудың бірі — футворк, яғни аяқпен жұмыс жасау болған. Оның жылдам қозғалысы, арақашықтықты дәл сақтауы және қарсыласын босқа соққы жұмсатуы Джонсты өз дәуірінің ерекше боксшыларының қатарына қосты.