Лас-Вегаста UFC 324 турнирі қарсаңында қатысушылардың ресми салмақ өлшеу рәсімі өтті. Турнир 25 қаңтарда АҚШ-та өтеді. Кештің басты жекпе-жегінде жеңіл салмақтағы (70 кг дейін) уақытша UFC белбеуі сарапқа салынады.
Октагонда екі мәрте титулға үміткер америкалық Джастин Гэтжи мен жанкүйер сүйіктісіне айналған британдық нокаутшы Пэдди Пимблетт кездеседі. Бұл — дивизиондағы жағдайды түбегейлі өзгертуі мүмкін қарсыласу.
Салмақ өлшеуден кейін екі файтер соңғы көз арбасу рәсімін өткізіп, бір-біріне қысым көрсетті. Бұл сәт жанкүйерлер арасындағы қызығушылықты одан әрі арттырып, онсыз да "жарылуға дайын" айқастың интригасын күшейтті.
Пимблетт әзірге UFC-де жеңілістің дәмін татпаған. Оның қарқыны мен соққы қуаты жеңіл салмақта жаңа жұлдыздың келе жатқанын аңғартады.
Гэтжи — октагонның нағыз "ардагері". Ол бірнеше рет титулға жақындап, енді тағы бір мүмкіндікті пайдаланып, чемпиондық жолға қайта түспек.