7 ақпан күні Германияның Бад-Херсфельд қаласында Виктор Темиров жергілікті боксшы Доменик Арнольдпен (5-0, 2 КО) кездеседі. Жекпе-жекте WBF белбеуі сарапқа салынады.
Қазақстандық кәсіпқой боксшы Виктор Темиров (9-0, 6 КО) алдағы титулдық айқасқа дайындығын толық аяқтағанын хабарлады.
7 ақпан күні Германияның Бад-Херсфельд қаласында Виктор Темиров жергілікті боксшы Доменик Арнольдпен (5-0, 2 КО) кездеседі. Айқаста WBF нұсқасы бойынша орта салмақтағы әлем чемпионының белбеуі сарапқа салынады. Жекпе-жек 12 раундқа жоспарланған.
Осы ретте қазақстандық боксшы дайындық барысына қатысты әлеуметтік желіде пікір білдірді.
"Дайындық процесі аяқталды. Дайындығым 100%. Енді қолғап киіп, рингке шығу ғана қалды", — деп жазды Виктор Темиров Instagram парақшасында. Ол жазбасына жаттығу залындағы спаррингтер мен дайындық сәттерінен видео да қоса жариялады.
Айта кетейік, Виктор Темиров соңғы жекпе-жегін 5 қыркүйекте Алматыда өткізді. Сол кезде үндістандық Сантош Баралиді (3-2, 2 КО) төрешілердің бірауыздан шешімімен жеңген болатын.
Оқи отырыңыздар:
Ла Лига клубы "Қайсар" қызыққан "Челсидің" экс-ойыншысына таласпақ
Қазақстандық файтер қарсыласын тоғыз секундта талдырды
"Тұран" Чемпиондар лигасында кіммен ойнайды? Қарсылас белгілі