Төрехан Сабырхан ересектер арасында қатарынан бесінші турнирде топ жарды.
2024 жылғы жастар арасындағы әлем чемпионы Төрехан Сабырхан ересектер боксына 2024 жылдың желтоқсанында ауысты. Алғашқы ірі жарысында-ақ 67 келіге дейінгі салмақ дәрежесінде Қазақстан чемпионатын жеңіп алды.
Одан кейін оның қоржынына тек жеңістер түсті:
2026 жылғы алғашқы жарыс Төрехан үшін Испанияның Ла-Нусия қаласында өткен Boxam турнирі болды. Қазақстандық боксшы барлық жекпе-жекте жеңіске жетіп, финалда тәжірибелі үнді спортшысы Хитешті ұтты.
Айта кетерлігі, финал оңайға соққан жоқ. Сабырхан алғашқы раундта жеңіліп, шешуші сәтте камбэк жасады.
Төрехан Сабырхан қатысқан жекпе-жектердегі төрешілер шешіміне қатысты Қазақстанның өзінде де сын-пікірлер айтылуда.
Мысалы Қазақстанның еңбек сіңірген жаттықтырушысы Жұмабек Өмірзақов "Странджа кубогынан" кейін ашық мәлімдеме жасаған еді:
"Менің ойымша, ол жартылай финал мен финалда жеңілді. Бірақ төрешілер тартып әкетті. Қазір кейбір турнирлерде осылай ұтып жүрміз. Ал нағыз әлем чемпионатында бәрі көрінеді. Төрехан Сабырхан ауыр жеңіліске ұшырайды. Бізді соқпағанша мықтымыз", — деді Өмірзақов.
Испаниядағы финалдан соң Сабырханға қатысты "төрешілердің сүйіктісі" деген әңгіме қайта жанданды. Танымал бокс сарапшысы Тэйлор О’Хиггинс өзінің YouTube-арнасында жекпе-жектің толық видеосын жариялап, пікір қалдырғандардың басым бөлігі үнді боксшысы Хитеш жеңді деген ой айтты.
Сарапшылардың кейбір пікірі:
Барлық сынға қарамастан Төрехан Сабырхан ересектер арасындағы деңгейде әлі де жеңілмей келеді. Оның техникасы, қозғалысы мен әдемі боксы жанкүйерлер мен сарапшылардың ықыласына бөленген.