Қазақстандық еркін күрес шебері Ризабек Айтмұхан Бішкекте өткен Super 4 Wrestling халықаралық турнирінде топ жарды.
Айтмұхан 97 келіге дейінгі салмақ дәрежесінің финалында ресейлік балуан Алихан Кцоевпен белдесіп, 3:0 есебімен сенімді жеңіске жетті. Осылайша Ризабек турнирдің алтын жүлдесін иеленді.
Айта кетейік, бұған дейін қазақстандық балуан жартылай финалда болгариялық Ахмед Батаевты да жеңіп, шешуші белдесуге жолдама алған еді.
Еске салсақ, 21 жастағы Ризабек Айтмұхан еркін күрестен 2023 жылғы әлем чемпионы және Азия чемпионатында үш рет күміс жүлде алған (2023, 2024 және 2025).