Қазақстандық балуандар қоржынды медальге толтырып қайтты

Беларусь астанасы Минскте күрестен даңқты балуан Александр Медведьті еске алуға арналған халықаралық Гран-при турнирі өтті. Аталған додада Қазақстан ұлттық құрамасы табысты өнер көрсетіп, жалпы есепте 14 медаль еншіледі.

Еркін күрес: бір алтын, екі күміс, жеті қола

Еркін күресте қазақстандық балуандар жүлделер қоржынын толтырды. Едіге Қасымбек (125 кг дейін) финалда қарсыласын жеңіп, алтын медаль иеленді.

Күміс жүлдегерлер:

• Нұрлан Өтегенов (79 кг дейін)
• Дәулет Ергеш (86 кг дейін)

Қола медаль иегерлері:

• Мейіржан Аширов (74 кг дейін)
• Ерасыл Мұхтарұлы (57 кг дейін)
• Ади Серікұлы (65 кг дейін)
• Начын Куулар (70 кг дейін)
• Санжар Досжанов (74 кг дейін)
• Нұркерім Ернияз (92 кг дейін)
• Бейбарыс Қасымбек (92 кг дейін)

Әйелдер күресі: төрт жүлде

Қазақстандық балуан қыздар да жүлдесіз қайтқан жоқ.

Күміс медаль:

• Лаура Ғаниқызы (50 кг дейін)
• Алина Ертөстік (76 кг дейін)

Қола медаль:

• Ирина Казюлина (68 кг дейін)
• Елена Шалыгина (68 кг дейін)

Александр Медведь атындағы Гран-при — күрес әлеміндегі беделді халықаралық жарыстардың бірі. Бұл турнир көптеген құрамалар үшін әлемдік және құрлықтық чемпионаттарға дайындықтың маңызды кезеңі саналады.