Басы дауға қалған Данияр Елеусінов BoxRec рейтингінен шығарылды
Бұған спортшының бір жылдан астам уақыт рингке шықпауы себеп.
Жартылай орта салмақта өнер көрсететін Данияр Елеусінов BoxRec рейтингінен алынып тасталды. Қазақстандық боксшы кәсіпқой бокста әлі жеңіліп көрмегенімен, ұзақ үзіліске байланысты портал оны белсенді спортшылар тізімінен алып тастады.
Елеусінов соңғы рет 2025 жылы жұдырықтасқан
Данияр Елеусінов кәсіпқой бокстағы соңғы жекпе-жегін 2025 жылғы 19 шілдеде өткізді. Ол Лас-Вегаста филиппиндік Джеймс Бейконмен кездесіп, қарсыласын нокаутпен жеңген болатын. Содан бері қазақстандық боксшы ресми жекпе-жек өткізген жоқ.
BoxRec порталы боксшылардың статистикасын және рейтингтегі орнын олардың белсенділігіне қарай жаңартып отырады. Егер спортшы ұзақ уақыт бойы рингке шықпаса, ол белсенді емес боксшы ретінде қарастырылуы мүмкін. Мұндай жағдайда рейтингтегі орны уақытша алынып тасталады.
Бұл шешім спортшының мансабын аяқтағанын білдірмейді. Елеусінов жаңа жекпе-жек өткізсе, оның рейтингі қайта жаңартылуы ықтимал.
Жол-көлік оқиғасына қатысты мәселе
Еске салайық, жақында Данияр Елеусінов жол-көлік оқиғасына байланысты қоғам арасында қызу талқыға түскен еді. Олимпиада чемпионы мас күйде көлік басқарғаны, жол апатына қатысқаны және оқиға орнынан кеткені үшін сот шешімімен жазаланған болатын.
Сот оған 20 тәулік әкімшілік қамау және 7 жылға көлік басқару құқығынан айыру жазасын тағайындады.
Алайда бұл іс BoxRec рейтингінен шығарылуына тікелей қатысы жоқ. Порталдағы өзгеріс спортшының рингке ұзақ уақыт шықпауымен байланысты.