Өзбек және қазақ файтерлерінің жекпе-жегі даумен аяқталды
08.10.2024, 01:08
Өзбекстандық Жавохир Нарзуллаев пен қазақстандық Қажымұқан Еркін арасындағы жекпе-жек ереже бұзушылыққа байланысты даумен аяқталып, жеңіс Қажымұқанға берілді.
Қажымұқан Еркін пен Жавохир Нарзуллаев / Фото prosports.kz
Кеше Алматыда өткен Octagon 64 турнирінде қазақстандық Қажымұқан Еркін (1-0) мен өзбекстандық Жавохир Нарзуллаев (3-1) арасында жекпе-жек өтті.
Балуан Шолақ атындағы спорт сарайында өткен бұл айқас даулы сәттермен аяқталды. Үшінші раундта Жавохир жерде отырған қазақстандық спортшының басына аяқпен тепкені үшін жарыстан шеттетілді. Нәтижесінде бұл кездесуде жеңіс Қажымұқанға берілді.