Қазақстандық каратэшілер Жапонияда өткен әлем чемпионатында үш алтын жеңіп алды
Қазақстандық каратэшілер Жапонияның Фукуока қаласында ұйымдастырылған World Sobaki Challenge атты Enshin Karate бойынша әлем чемпионатында керемет нәтиже көрсетті.
Қазақстанның жас спортшылары әлемдік аренада өз шеберлігін дәлелдеп, 3 алтын, бірнеше күміс жүлдеге қол жеткізді.
Әлем чемпиондары атанған жас спортшылар: Дима Коровченко, Еркокше Жумагазыұлы, Жания Бақытжан. Бұл жеңістер Қазақстанның каратэ мектебінің әлеуетін тағы бір мәрте дәлелдеді.
Күміс жүлдегерлер: Алексей Колычев, Амина Раббани, Ерасыл Тастеміров, Жамиля Асхатқызы.
Сонымен қатар, турнир барысында ең үздік техника үшін арнайы марапатқа Шұғыла Бауыржанқызы мен Дариға Нұралинова ие болды.
Айта кетейік, жарысқа Жапония, АҚШ, Ресей, Австралия, Сауд Арабиясы, Польша, Швеция, Чили, Швейцария, Қазақстан және Оңтүстік Корея сияқты елдерден келген спортшылар қатысты. Бұл чемпионат жас каратэшілер үшін халықаралық тәжірибе жинауға және өздерін жаһандық деңгейде танытуға үлкен мүмкіндік болды.