Конор Макгрегор әлемдегі ең мықты UFC файтерді атады
Бұл туралы ол The Schmo арнасына берген сұхбатында айтты.
Әлемге әйгілі ирландиялық файтер, екі салмақта дәрежесі бойынша UFC-дің бұрынғы чемпионы Конор МакГрегор қазіргі уақыттағы ең мықты UFC жауынгері кім екенін айтты.
Аралас жекпе-жек шеберінің пікірінше, бүгінгі таңда UFC-дегі ең мықты файтер - жартылай ауыр салмақта дәрежесіндегі чемпион бразилиялық Алекс Перейра.
«2024 жыл Алекстың жылы болды. Бұған ешкім қарсы тұра алмайды. Егер белбеулерді, барлық басқа нәрселерді естен шығарып, тек нәтижелерге қарасақ, оның төрт жекпе-жекте төрт нокауты бар. Мен Алексты бірінші орынға қояр едім», — деді Макгрегор The Schmo YouTube арнасына берген сұхбатында.
Айта кетейік, Перейра кәсіби мансабында 12 рет жеңіске жетіп, 2 мәрте қарсыласына жеңілді.