Шавқат Рахмонов бала кездегі кумирін атады
UFC жауынгерінің айтуынша, ол ресейлік аралас жекпе-жек шеберінің жанкүйері болған.
Осы уақытқа дейін жеңіліп көрмеген қазақстандық файтер Шавкат Рахмонов өзінің бала кездегі кумирі кім болғанын айтты. UFC жауынгерінің айтуынша, ол ресейлік аралас жекпе-жек шебері Фёдор Емельяненконың өнеріне қатты қызыққан екен.
«Бала кезде Фёдордың жанкүйері болдым. Оның айқастары маған қатты ұнайтын. Оның жекпе-жегі түсірілген дискілерді алып, барлық шайқастарды көріп отыратынмын. Маған оның өзін ұстауы, шабуылдары, жұмысы ұнайтын», – деді Шавқат YouTube-тегі adam zubayraev арнасына берген сұхбатында.
Айта кетейік, Шавқат UFC 310 турнирінде жартылай орта салмақтағы UFC чемпионы Белал Мұхаммедпен кездесуі керек еді, алайда Белал денсаулығына байланысты кездесуден бас тартқанын бірнеше күн бұрын мәлімдеді.