Жәнібек Әлімханұлы өзіне қарсылас таңдауға қатысты мәлімдеме жасады
Бүгін WBO бойынша міндетті үміткер британдық Хамза Шираз бен Әлімханұлының жекпе-жегі бойынша промоутерлік сауда-саттық өтуі тиіс.
Кәсіпқой бокста жеңіліп көрмеген қазақстандық боксшы Жәнібек Әлімханұлы Хамза Шираз, Карлос Адамес және Эрисланди Ларамен болуы мүмкін жекпе-жектер жайлы ақпаратпен бөлісті.
"Шираз үнсіз. Қандай да бір жаңалық күтіп жүрміз! Сонымен қатар, Адамеспен жұдырықтасу бойынша ауқымды жұмыстар жүргізілуде. Барлығы келесі аптада белгілі болады. Лара да үнсіз!"- деп жазды Әлімханұлы әлеуметтік желіде.
Айта кетейік, 18 қарашада WBO бойынша міндетті үміткер британдық Хамза Шираз бен Әлімханұлының жекпе-жегі бойынша промоутерлік сауда-саттық өтуі тиіс. Жәнібектің алдыңғы жекпе-жегі 4 қазанда Сиднейде өтті. Ол жаңазеландиялық Андрей Михайловичті тоғызыншы раундта нокаутқа түсірді.