Тунис таэквондошыларын баптаған Есбол Сұлтанов ұлттық құраманы жаттықтыруы мүмкін

Таэквондодан Тунис құрамасының бас бапкері Есбол Сұлтанов елге оралып, ұлттық құраманы жаттықтыруы мүмкін. Бұл туралы белгілі журналист Аслан Қаженов өзінің әлеуметтік желідегі парақшасында хабарлады. 

Есбол Сұлтанов биыл Париж олимпиадасында таэквондодан Тунис құрамасын дайындап, 1 алтын, 1 қола жеңіп алды. Қазір отандасымыздың Тунис құрамасымен келісімшарты аяқталған. Енді Есбол Сұлтанов Қазақстан спортшыларын дайындауға ниетті.

Қазіргі уақытта Федерация мен ҰОК басшысы бұл ұсынысты қолдап отырған көрінеді. Құжатты енді Туризм және спорт министрлігі қарастырып жатыр.