АЧ-2024: Бүгін 9 боксшымыз шаршы алаңға шығады
Бәрі жартылайфиналдық жекпе-жектер
Таиландтың Чиангмай қаласында ерлер және әйелдер арасында бокстан өтіп жатқан Азия чемпионатында бүгін 9 боксшымыз рингке шығады.
Жартылайфиналдық жекпе-жектер сағат 12.00-де басталады.
Байрақты бәсекеде рингке бірінші болып Әйгерім Сәттібаева шығады. Ол 48 келіге дейінгі салмақта өзбекстандық Фарзона Фозиловамен қолғап түйістіреді.
Сондай-ақ Жазира Орақбаева (52 кг) тағы бір өзбекстандық Феруза Казаковамен жұдырықтасады.
Ал Ұлжан Сәрсенбек (57 кг), Виктория Графеева (60 кг) және Аида Әбікеева (63 кг) сәйкесінше таиландтықтар Пунрави Руенрос, Порнтип Буапа, Тхананя Сомнуекпен шеберлік байқасады.
Милана Сафронова (66 кг) болса, өзбекстандық былғары қолғап шебері Навбахор Хамидовамен, Наталья Богданова (70 кг) украиналық Лина Ванмен күш сынасады.
Өз кезегінде Диана Мағауяева (75 кг) қытайлық Лина Ван, Гүлсая Ержан (81 кг) өзбекстандық Сохиба Рузметовамен сынға түседі.