Танымал қазақстандық файтердің кіммен жұдырықтасыны белгілі болды

Танымал қазақстандық файтер Артём Резников ресейлік Юсуф Раисовпен жұдырықтасатын болды. Жекпе-жек 8 ақпанда Краснодарда ACA 183 турнирі аясында өтеді. Осыдан 10 күн бұрын ғана аталған файтерлер арасындағы айқас кейінге қалдырылған еді. 

5 раундтан тұратын жекпе-жектің жаңа датасын жуырда ресейлік лига өкілдері ресми түрде жария етті. 

Естеріңізде болса, Раисов пен Резников арасында бірінші айқас 2020 жылы Мәскеуде ACA 111 турнирі аясында өткен еді. Сол кезде төрешілер шешімімен отандасымыз жеңіске жеткен болатын.

Ал он күн бұрынғы жекпе-жек қазақстандық аралас жекпе-жек шеберінің сырқаттанып қалуына байланысты өтпей қалды.