Өзбек боксшысы аюмен арпалысқаны үшін жауапқа тартылды (ВИДЕО)

Өзбекстанның Экология министрлігі аюмен төбелескен боксшы Шахрам Гиясовқа қатысты әкімшілік хаттама толтырып, жауапқа тартты. Бұл туралы upl.uz хабарлады. 

Ведомство өкілдерінің айтуынша, жағдайды тергеп-тексеру барысында оқиғаға қатысы барлық тұлғадан түсініктеме алынған. Ал бейнежазбадағы аю Ферғана зообағына тапсырылған. 

Шахрам Гиясов болса кінәсін мойындап, мұндай жағдай енді қайталанбайтынына уәде берген. Оған 3 базалық есептік көрсеткіш көлемінде айыппұл салынды. 

Айта кетейік, Гиясов - 2016 жылғы Рио-де-Жанейро Олимпиадасының күміс жүлдегері. 2018 жылдан бері кәсіпқой бокста өнер көрсетіп келеді.