Қазақ күресінен "Дала қырандары" турнирінің жүлде қоры $100 мың болады
Астанада 11 қаңтарда Жақсылық Үшкемпіров атындағы жекпе-жек сарайында қазақ күресінен республикалық турнир өтеді.
Ттурнирде 8 салмақ дәрежесіндегі Қазақстанның ең үздік балуандары анықталады.
Былтырдан бері елде қазақ күресі бойынша 5 рейтингілік жарыс өтті.Солардың нәтижесінде әр салмақ дәрежесінде ең көп ұпай жинаған үздік 8 балуан анықталды. Енді олар “Дала қыраны” титулы үшін күреседі.
Сегіз жеңімпаз өз салмақ дәрежесінің “Бас балуаны” атағына ие болады. Сонымен қатар жеңімпаздар қомақты ақшалай сыйлықтармен марапатталады. Жарыстың жүлде қоры – $100 мың.
“Биылғы турнирдің басты ерекшелігі – шоу элементтерінің енгізілуінде: танымал қазақстандық спортшылар Руслан Әбдіразақов, Саят Шәмшиев және Василий Тахтай боз кілемде ММА спортшылары Фарид Абдуллаев, Ислам Джангоразов және Данил Ельбаевқа қарсы шығып, қазақ күресінің ережесі бойынша күреседі. Сөйтіп, бұл қадам жұртшылықтың дәстүрлі турнирімізге деген қызығушылығын арттыра түсіп, жарысқа жаңа леп береді деген сенімдеміз”, – дейді жарысты ұйымдастырушылар.
Спорттық оқиға тек кәсіби спортшылар мен спорт әуесқойларын ғана емес, сонымен бірге Қазақстанның ұлттық мәдениетіне қызығатын кең аудиторияны да қызықтыратыны деп жоспарланған.