Өзбекстан чемпионатының финалына төрт қазақ боксшысы шықты
28.01.2025, 12:24
Бүгін Ташкентте бокстан Өзбекстан чемпионатының финалдық жекпе-жектері өтеді.
offside.kz
"Алтын" үшін жұдырықтасуларға төрт этникалық қазақ қатысады: Мадияр Данияров (60 кг дейін) Шохрух Абдумаликовпен қолғап түйістірсе, 2023 жылдың әлем чемпионы Руслан Абдуллаевке (63.5 кг дейін) қарсы Адхамжон Мухиддинов шығады. Азия чемпионатының-2022 күміс жүлдегері Мадияр Саидрахымов (92 кг дейін) Париж Олимпиадасының ширек финалисі Турарбек Хабибулаевпен күш сынасады. Жанкүйерлер әсіресе аса ауыр салмақтағы айқасты асыға күтіп жүр. Арман Маханов шаршы алаңда "Джалоловатың ізбасары" Жахонгир Зокировпен жекпе-жекке түседі.
Финалдық кездесулер Астана уақыты бойынша сағат 17:00-де басталады.